Rəy Əl-Yəvm qəzeti: Tel-Əvivin Qasim Süleymaninin qətlində əməkdaşlıq etdiyini etiraf etməsinin nəticələri
“Rəy Əl-Yəvm” elektron qəzeti Tel-Əvivin İslam İnqilabı Keşikçiləri Korpusunun Qüds qüvvələrinin keçmiş komandirinin sui-qəsd əməliyyatında əməkdaşlıq etdiyinə dair rəsmi etirafının əsas sirri ilə bağlı qeyd dərc edərək bu etirafın təhlükəli nəticələrini araşdırıb.
Bir neçə gün əvvəl İsrail ordusunun keçmiş yüksək rütbəli məmuru ilk dəfə olaraq Qüds Qüvvələrinin keçmiş komandanı General Qasım Süleymaninin öldürülməsində Tel-Əvivin rol oynadığını etiraf edib.
İsrail hərbi kəşfiyyat xidmətinin keçmiş rəhbəri Tamir Hayman çərşənbə axşamı açıq şəkildə bildirib ki, Tel-Əviv iki il əvvəl ABŞ-ın rəhbərlik etdiyi əməliyyatda rol oynayıb.
O, bu vəzifədə işlədiyi müddətdə “iki mühüm və əhəmiyyətli sui-qəsd”dən biri kimi Sərdar Süleymaninin öldürülməsini qeyd edib.
Onun sözlərinə görə, digər mühüm sui-qəsd İslami Cihad hərəkatının liderlərindən biri olan Bəha Əbulətanın qətlidir.
“Rəy Əl-Yəvm” qəzeti bununla bağlı qeyd dərc edərək bir neçə sual ünvanlayıb: Sionist rejimin iki il əvvəl General Qasım Süleymaninin qətlində rol oynadığının rəsmi və ictimai etirafı nə deməkdir?
Bu gün bunu elan etməyin sirri nədir? Bu, Yaxın Şərqin daxilində və xaricində müqavimət qruplarına sui-qəsd müharibəsinin başlanmasını qanuniləşdirəcəkmi? Necə?
Ancaq bu dərəcədə aydınlıq ilə bu etiraf ciddi nəticələrə səbəb olacaq, bunlardan ən vacibi yaxın gələcəkdə işğal olunmuş Fələstin hüdudlarından kənarda İsrail hədəflərinə qarşı hər hansı cavab tədbirinin “qanuniliyi”dir.
Müvafiq olaraq, cəmi bir ay əvvəl təqaüdə çıxan hərbi kəşfiyyatın rəhbəri General Hayman Mossad-ın cinayətdəki rolu ilə bağlı əlavə təfərrüatları açıqlamayıb.
