Səudiyyə Ərəbistanı Əl-Fəxurə məktəbinin bombalanmasını pisləyib

Səudiyyə Ərəbistanı Əl-Fəxurə məktəbinin bombalanmasını pisləyib

Səudiyyə Ərəbistanı Xarici İşlər Nazirliyi bəyanatında sionist rejimin Qəzzada UNRWA-ya bağlı “Əl-Fəxurə” məktəbinin bombalanması ilə törətdiyi cinayəti qətiyyətlə pisləyib.

Bu gün günorta saatlarında İsrail rejimi döyüşçüləri Qəzzanın şimalında yerləşən “Cəbəliyyə” düşərgəsindəki “Əl-Fəxurə” məktəbini bombalayıblar. Son məlumatlara görə, bu vəhşi hücumda 200-dən çox insan şəhid olub.

Bu məktəb Birləşmiş Millətlər Təşkilatına (UNRWA) bağlıdır və əksəriyyəti uşaqlar olan qaçqınlar üçün nəzərdə tutulub. Bu məktəblə eyni vaxtda “Tel Əz-Zətər” məktəbi də bombalanıb.

Bu bəyanatda Səudiyyə Ərəbistanı Xarici İşlər Nazirliyi Əl-Fəxurə məktəbinin bombalanmasını qətiyyətlə pisləyib və mülki şəxslərin mütəşəkkil şəkildə hədəfə alınmasına qarşı olduğunu vurğulayıb.

Əl-Cəzirə kanalının xəbərinə görə, Ər-Riyad həmçinin bu cinayətləri törətdiyi üçün sionist rejimə qarşı beynəlxalq təqib mexanizminin işə salınmasını tələb edib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

five + ten =