Sionist bayrağı Məğrib parlamentinin qarşısında yandırılıb

Sionist bayrağı Məğrib parlamentinin qarşısında yandırılıb

Xəbər mənbələri cümə günü axşam saatlarında xəbər verir ki, Məğrib etirazçıları bir məclis rəsmisinin işğal olunmuş Fələstinə səfərinə etiraz olaraq Rabatda bu ölkənin parlamenti qarşısında sionist rejimin bayrağını yandırıblar.

İRNA-nın Səma Fələstin xəbər agentliyinə istinadən verdiyi məlumata görə, Məğribin paytaxtı Rabatda nümayişçilər Məğrib Parlamentinin Məsləhətçilər Şurasının sədri Naim Miyarənin işğal olunmuş Fələstinə planlaşdırılan səfərinə etiraz olaraq İsrail rejiminin bayrağını yandırıblar. Bu səfər onun sağlamlıq vəziyyətinə görə həyata keçirilmədi.

Naim Miyarə sionist rejim parlamentinin sədrinin dəvəti ilə işğal olunmuş Fələstinə səfər etməli idi. Lakin xəstəlik səbəbindən bu səfər həyata keçirilmədi.

İsrail parlamenti iki tərəfin səfər üçün yeni bir tarix təyin etmək barədə razılığa gəldiyini açıqlayıb.

Bu xəbərə görə, Məğrib parlamenti qarşısında etirazçılar Rabat-Tel-Əviv münasibətlərinin normallaşmasına qarşı olduqlarını bəyan edərək, İsrail rejiminin bayrağını yandırmış, Məğrib və Fələstin bayraqlarını qaldıraraq normallaşmanı pisləyən şüarlar səsləndirmişlər . Beləliklə, onlar Fələstin idealını dəstəklədiklərini nümayiş etdirmişlər.

Bu etiraz aksiyasını təşkil edən Fələstin üzrə Milli Fəaliyyət Qrupu sionist rejimlə münasibətlərin normallaşmasına qarşı olduğunu bəyan edib və bunu pisləyib.

Təxminən üç ay əvvəl sionist rejimin spikeri Qərb ölkələrinə səfər edib və bu ölkənin rəsmiləri ilə görüşüb.

Mərakeşin sionist rejimlə əlaqələri 20 illik fasilədən sonra 2020-ci il dekabrın 10-da bərpa olunub. 2000-ci ildə münasibətlərin kəsilməsinə səbəb ikinci Fələstin intifazəsinin baş verməsi olub.

Bundan əvvəl Mərakeş Amerika və İsrail rejimi ilə üçtərəfli müqavilə imzalamışdı və bu müqaviləyə əsasən Amerika Qərbi Səhranı Mərakeş torpağı kimi tanıdı və Mərakeş sionist rejimlə münasibətləri bərpa etməyə razılaşdı.

Məğrib parlamentinin bir sıra üzvləri bir neçə dəfə vurğulayıblar ki, İsrail rejimi ilə münasibətlərin bərpası Fələstin xalqının mübarizəsindən və paytaxtı Qüds olan müstəqil Fələstin dövləti qurmaq hüququndan imtina etmək demək deyil.

Mərakeş xalqı dəfələrlə küçələrə çıxmaq, toplantılar keçirmək, sionist rejimin bayrağını yandırmaq və  normallaşdırmanın dayandırılmasını tələb etməklə Mərakeş və sionist rejim arasında münasibətlərin normallaşmasına qarşı olduğunu bildirib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

3 + eight =