Sionist köçkünlərin Məscidül-Əqsaya yeni hücumu

Sionist mühacirlər bazar günü sionist hərbçilərin dəstəyi ilə yenidən Məscidül-Əqsanın həyətlərinə hücum edərək bu müqəddəs məkana hörmətsizlik ediblər.

İRNA-nın bazar günü Fələstin mediasına istinadla verdiyi xəbərə görə, onlarla sionist mühacir Tel-Əvivin ifrat hakimiyyətinin rəhbərliyi və təhriki ilə bir daha Məscidül-Əqsaya hücum edərək bu müqəddəs məkana hörmətsizlik edib.

İfrat sağçı qruplar Məscidül-Əqsanın tarixi və hüquqi statusunu pozaraq, dini ayinləri yerinə yetirməklə bu müqəddəs məkanı təhqir etməyə və münaqişə yaratmağa çalışırlar.

Sionistlər öz bədnam planlarını həyata keçirmək üçün hər hansı bir şəkildə Məscidül-Əqsanın zaman və məkan baxımından bölgülərə ayırmaq istəyirlər.

Fələstin müqavimət qrupları sionist rejimin hücum və cinayətlərinə cavab olaraq Qəzzə zolağının sərhədi ətrafında və işğal olunmuş ərazinin şimalındakı sionist yaşayış məntəqələrini bir neçə dəfə raketlərlə hədəfə alıb.

Fələstin müqavimət qrupları Əl-Əqsa məscidinin onların qırmızı xətti olduğunu və ona hər hansı bir hücumun sərt cavabla qarşılanacağını vurğulayıblar.