Sionist rejim Şəhid Qasim Süleymaniyə qarşı terrorda iştirakını etiraf edib
İsrail ordusunun keçmiş rəsmisi ilk dəfə Qasim Süleymaninin qətlində Tel-Əvivin əli olduğunu etiraf edib.
İsrail ordusunun keçmiş yüksək rütbəli məmuru ilk dəfə olaraq İslam İnqilabı Keşikçiləri Korpusunun Qüds Qüvvələrinin keçmiş komandanı General Qasım Süleymaninin qətlində Tel-Əvivin əli olduğunu etiraf edib.
İsrail hərbi kəşfiyyat xidmətinin keçmiş rəhbəri Tamir Hayman çərşənbə axşamı bildirib ki, Tel-Əviv iki il əvvəl ABŞ-ın rəhbərlik etdiyi əməliyyatda rol oynayıb.
İlk dəfədir ki, yüksək vəzifəli İsrail rəsmisi İsrailin əməliyyatda rolunu təsdiqləyir.
Bir neçə ay əvvəl Yahoo News xəbər vermişdi ki, israillilər General Süleymaninin fəaliyyətlərini izləmək üçün ABŞ-a onun bir neçə mobil telefon nömrəsini əldə etmək imkanı verib.
Heyman ABŞ-ın terror əməliyyatını dəstəkləyərək deyib: “Süleymaninin öldürülməsi vacib idi, çünki bizim əsas düşmənimiz İrandır. Bu qədər yüksək vəzifəyə malik həm strateq, həm də hərbçi olan adama nadir hallarda rast gəlmək olar.”
ABŞ hərbçiləri 2019-cu il dekabrın 4-də səhər saatlarında Prezident Donald Trampın əmri ilə həyata keçirilən terror əməliyyatı zamanı Bağdad hava limanını yaxınlığında Qasim Süleymani və onun bir sıra silahdaşını, o cümlədən, Əbu Mehdi Əl-Mühəndisi öldürüb.
ABŞ-ın bu hərəkəti beynəlxalq reaksiyalara və qınaqlara səbəb olub. BMT-nin İnsan Hüquqları üzrə Ali Komissarlığının qanunsuz və özbaşına sui-qəsdlər üzrə xüsusi məruzəçisi Agnes Kalamard keçən il ABŞ-ın General Qasim Soleimanini şəhid etməsi cinayətini qanunsuz adlandırıb.
ABŞ rəsmilərinin Qasim Süleymaninin öldürülməsinin səbəbi ilə bağlı iddialarını rədd edən Kalamard yazıb ki, Vaşinqton hücuma haqq qazandırmaq üçün kifayət qədər sübut təqdim edə bilməyib.
O, Qasim Süleymaninin İraqdakı Həşdi Şəbi müavini Əbu Mehdi əl-Mühəndis və bir sıra digər silahdaşları ilə birlikdə öldürülməsinin BMT Nizamnaməsini pozduğunu vurğulayıb. Bundan əlavə, terror aktı ABŞ-ın özündə əks reaksiyaya səbəb olub, Konqres üzvləri Tramp administrasiyasının əməliyyatı hüquqi sübut olmadan həyata keçirdiyini bəyan ediblər.
