Sionist rejimin Qərbi Rəfaha hava hücumu nəticəsində şəhid olanların sayı 40-a çatıb
Sionist rejimin Qəzzə zolağının cənubundakı Rəfah şəhərinin şimal-qərbinə hava hücumu nəticəsində şəhid olanların sayı 40 nəfərə çatıb.
İRNA-nın Əl-Məyadin kanalına istinadən verdiyi məlumata görə, ilkin olaraq sionist rejimin Rəfahın şimal-qərbində qaçqınların çadırlarına hücumu nəticəsində 22 nəfərin şəhid olduğu açıqlanıb.
Hücumların intensivliyi səbəbindən bir saat sonra şəhidlərin sayı artaraq 28-ə çatıb, bir neçə dəqiqə əvvəl isə bu rəqəmin yenidən artdığı açıqlanıb.
Şəhidlər və yaralananlar arasında çoxlu sayda qadın və uşaq da nəzərə çarpır.
