Sionistlərin dördüncü gündür Məscidül-Əqsaya hücumu

Onlarla sionist çərşənbə axşamı səhər sionist rejim hərbçilərinin dəstəyi ilə Əl-Əqsa məscidinə hücum edib.

İRNA-nın Əl-Əqsa şəbəkəsinə istinadən verdiyi məlumata görə, onlarla sionist mühacir bu gün səhər sionist rejim hərbçilərinin dəstəyi ilə təxribat xarakterli hərəkətlər törətmiş və Məscidül-Əqsanın həyətlərinə daxil olaraq talmud ayinlərini icra etməyə başlayıblar.

Qüds Vəqf İdarəsi həmçinin bildirib ki, 100-dən çox mühacir Eydul-Ərş bayramının dördüncü günü Əl-Əqsa məscidinin həyətlərinə daxil olublar.

Sionist rejim bu gün səhər saatlarında İordan çayının qərb sahilinin müxtəlif bölgələrinə basqın edərək 5 Fələstin vətəndaşını həbs edib.

İslami Vəqflər İdarəsi bazar ertəsi ən azı 227 sionistin bu müqəddəs yerə daxil olduğunu bildirib.

Sionist təhlükəsizlik qüvvələri bazar ertəsi səhər saatlarından etibarən Əl-Əqsa məscidinin ətrafında və onun girişlərində yerləşdirilib.

Bazar günü sionist mühacirlər yəhudilərin “Eydul Ərş” kimi tanınan bayramının ikinci günündə Məscidül-Əqsaya hücum ediblər.

Bu sionistlər Əl-Əqsa məscidinin girişlərindən biri olan Əs-Saleh qapısında Talmud rəqsləri və adət-ənənələri ifa ediblər.

Sionistlər şənbə günü Talmud mərasimləri və adət-ənənələrini yerinə yetirmək bəhanəsi ilə və təhlükəsizlik qüvvələrinin güclü dəstəyi ilə Məscidül-Əqsa yaxınlığındakı “Soq Əl-Qətanin” bölgəsinə hücum ediblər.

Sionist əsgərlər dükan sahiblərini də dükanlarını bağlamağa məcbur ediblər.