Ümumdünya Səhiyyə Təşkilatı İsrailin Qəzzadakı xəstəxanalara hücumlarının davam etməsindən narahatdır

Ümumdünya Səhiyyə Təşkilatı İsrailin Qəzzadakı xəstəxanalara hücumlarının davam etməsindən narahatdır

Bazar ertəsi Ümumdünya Səhiyyə Təşkilatının rəhbəri İsrail rejiminin Qəzzadakı sağlamlıq mərkəzlərinə hücumlarının davam etməsindən narahatlığını ifadə edib.

Ümumdünya Səhiyyə Təşkilatının rəhbəri bazar ertəsi İsrail rejiminin Qəzzanın şimalında Əş-Şəfa xəstəxanasına hücumundan sonra narahatlığını ifadə edib.

Reuters xəbər agentliyinin məlumatına görə, Tedros Adhanom deyib: “Xəstəxanalar heç vaxt döyüş meydanı olmamalıdır. Qəzzanın şimalındakı Əş-Şəfa xəstəxanasının vəziyyətindən çox narahatıq. Tibb işçilərinin, xəstələrin və mülki şəxslərin həyatı risk altındadır.”

Bu xəbərə əsasən, Fələstin İslami Müqavimət Hərəkatı (HƏMAS) bu bazar ertəsi axşam sionist rejimin hələ də humanitar yardımların Fələstin xalqına çatmasının qarşısını almağa çalışdığını vurğulayıb.

Ən böyük beynəlxalq yardım təşkilatlarından biri olan “Oxfam” yardım təşkilatı bu gün İsrail rejiminin Qəzzaya humanitar yardımın qarşısını almasını pisləyib.

Oxfam öz hesabatında qeyd edib ki, işğalçı dövlət kimi məsuliyyətinə baxmayaraq, İsrailin hərəkətləri və qərarları Qəzza zolağında istənilən beynəlxalq humanitar yardıma sistemli şəkildə və qəsdən mane olur.

QHT xüsusilə “ədalətsiz protokolları və yardım daşımalarının ləng təftişini” pisləyib və bunun yük maşınlarının Qəzzaya girməsinə icazə verilməsində orta hesabla 20 günlük gecikməyə səbəb olduğunu bildirib.

HƏMAS bəyanat yayaraq, sionist qüvvələrin bu gün səhər saatlarında Qəzza şəhərində Əş-Şifa xəstəxanasına hücumu zamanı Fələstin polisinin Qəzzada mərkəzi əməliyyatının direktoru Faiq Əbdürrauf Əl-Mabhuhu öldürdüyünü açıqlayıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

thirteen + 7 =