Ümumdünya Səhiyyə Təşkilatı: Qəzzanın səhiyyə sistemi tamamilə çökür

Ümumdünya Səhiyyə Təşkilatının Baş direktoru bazar ertəsi səhər saatlarında Qəzza zolağında səhiyyə sisteminin tamamilə çökdüyü barədə xəbərdarlıq edib.

İRNA-nın Əl-Cəzirə telekanalına istinadən verdiyi məlumata görə, Tedros Adhanom deyib: “Ötən günlərdəki hücumlar zamanı Qəzzanın şimalında yerləşən Kamal Ədvan xəstəxanasının dağıdılmasından çox dəhşətə gəlmişik və narahatıq.”

O, əlavə edib: “Kamal Ədvan xəstəxanasının binasına sığınan qaçqınların təhlükəsizliyindən son dərəcə narahatıq. Bu qaçqınlara qarşı hücumlar hüquqi protokollara ziddir.”
ÜST: Qəzzanın səhiyyə sistemi tamamilə çökür

Ümumdünya Səhiyyə Təşkilatının Baş direktoru daha sonra deyib: “Qəzzanın səhiyyə sistemi tamamilə çökür və daha bir xəstəxananın itirilməsi isə bu müharibənin getdiyi bölgənin müalicə sisteminə ağır zərbədir.”