Ümumdünya Şahmat Olimpiadası: Azərbaycan yığmaları növbəti görüşlərini keçiriblər
Azərbaycanın kişilərdən və qadınlardan ibarət milliləri Macarıstanın paytaxtı Budapeştdə təşkil olunan 45-ci Ümumdünya Şahmat Olimpiadasında VI turun görüşlərini keçirib.
Oxu.Az-ın məlumatına görə, Litva ilə qarşılaşan kişilərdən ibarət yığma 1.5:2.5 hesabı ilə uduzub.
Aydın Süleymanlı – Titas Stremaviçius 0.5:0.5
Nicat Abasov – Paulus Pultineviçyus 0:1
Şəhriyar Məmmədyarov – Valeri Kazakovski 1:0
Maqomed Muradlı – Tomas: 0
Vyetnam ilə üz-üzə gələn qadınlardan ibarət milli isə qələbə qazanıb – 2.5:1.5.
Günay Məmmədzadə – Ly Pham 0:1
Ülviyyə Fətəliyeva – Thi Vo 1:0
Gövhər Beydullayeva – Phong Lung 1:0
Xanım Baladjayeva – Nqoc Bax 0.5:0.5
Qeyd edək ki, kişilərdən ibarət yığma buna qədər Monteneqro (3:1), İordaniya (3.5:0.5), Finlandiya (3.5:0.5) və Moldovanı (3:1) məğlub edib, Hindistana uduzub – 1:3.
Qadınlardan ibarət komanda isə Sloveniya (3:1), Nikaraqua (4:0) və Avstraliyadan (3:1) üstün olub, Argentina və Ukrayna ilə heç-heçə edib – 2:2.
Azərbaycan milliləri bu gün Budapeştdə keçirilən 45-ci Ümumdünya Şahmat Olimpiadasında növbəti görüşlərini keçirəcəklər.
VI turda Azərbaycanın kişilərdən ibarət seçmə komandası Litva ilə qarşılaşacaq.
Komandamız buna qədər İordaniya, Finlandiya, Moldova və Monteneqroya qalib gəlib, Hindistana uduzub. Zəka sahiblərimiz 8 xalla 9-cu sırada qərarlaşıblar.
Teymur Rəcəbovun kapitanı olduğu komandada Şəhriyar Məmmədyarov, Rauf Məmmədov, Nicat Abasov, Aydın Süleymanlı və Məhəmməd Muradlı yer alıb.
Qadınlardan ibarət seçməmiz isə Vyetnamla üz-üzə gələcək. Komandamız Nikaraqua, Avstraliya və Sloveniyaya qalib gəlib, Argentina və Ukrayna ilə heç-heçə edib. 8 xala malik qadın millimiz 11-ci sırada yer alıb.
Kapitanı Mixail Şereşevski olduğu seçmə komanda Günay Məmmədzadə, Gövhər Beydullayeva, Xanım Balacayeva, Ülviyyə Fətəliyeva və Gülnar Məmmədovan ibarətdir.
Qeyd edək ki, qarşılaşma üçün heyətlər hələ müəyyənləşməyib.
