UNICEF: Qəzzada hər gün 400 uşaq ölür və ya yaralanır

Qəzzanın bombardman edilməsi nəticəsində orada hər gün 400-dən çox uşaq həlak olur və ya yaralanır.

CNN xəbər verir ki, bu barədə BMT Uşaq Fondunun (UNICEF) bəyanatında bildirilib.

Təşkilat bir daha humanitar atəşkəs elan edilməsinə çağırış edib.

Bəyanata görə, son 25 gün ərzində davam edən bombardman nəticəsində artıq 3500 uşaq öldürülüb, 6800-dən çox uşaq yaralanıb.

“Uşaqların öldürülməsinə, əsir götürülməsinə son qoyulmalıdır. Uşaqlar hədəf deyil”, – bəyanatda bildirilib.