“Vaqner” əsgərlərini daşıyan təyyarə qəzaya uğradı: 140 ölü – VIDEO

Malidə Rusiyanın “Vaqner” özəl hərbi şirkətinə məxsus “İlyuşin İL-76” hərbi-nəqliyyat təyyarəsi sentyabrın 23-də səhər eniş zamanı əvvəlcə uçuş-enmə zolağından çıxıb, sonra isə alovlanıb.

Publika.az xəbər verir ki, Mali və “Vaqner” əsgərlərini daşıyan təyyarədə 140 nəfər həyatını itirib. Enişdən sonra uçuş-enmə zolağında irəliləməyə davam edən təyyarə zolağın qalan uzunluğunda dayana bilməyib və dairəvi yolu keçərək bənddən düşüb.

Qəzadan sonra alovlanan təyyarədə ölənlər arasında rus pilotun da olduğu bildirilib. Qəzanın təyyarənin yanacaq çənindəki nasazlığın səbəb ola biləcəyi bildirilib və hadisə ilə bağlı araşdırmalara başlanılıb.

Malidəki Qao hava limanından Mali əsgərləri, Vaqner muzdluları və BMT-nin sabitləşdirmə missiyasının hərbi personalı istifadə edir.

Təyyarənin əvvəllər Vaqner Qrupuna məxsus olduğu və qəzadan təxminən bir həftə əvvəl Hərbi Hava Qüvvələrinə təhvil verildiyi bildirilir.

Publika.az