Von der Leyen: İsrail ekstremistlərinin fələstinlilərə qarşı zorakılığına son qoyulmalıdır

Von der Leyen: İsrail ekstremistlərinin fələstinlilərə qarşı zorakılığına son qoyulmalıdır

Avropa Komissiyasının rəhbəri Ursula fon der Leyen cümə günü İordan çayının qərb sahilində sionistlərin fələstinlilərə qarşı ifrat zorakılığını pisləyib və bu zorakılığın dayandırılmasını vurğulayıb.

İRNA-nın Reuters-ə istinadən verdiyi məlumata görə, Von der Leyen Avropa Şurasının sədri Çarlz Mişel və Kanadanın baş naziri Castin Trüdo ilə birgə mətbuat konfransında deyib: Biz zorakılığın yayılmasının qarşısını almalıyıq. Dinc yanaşı yaşamaq yalnız iki dövlətli həll yolu ilə mümkündür.

O, əlavə edib: Fələstin xalqı və ərəb qonşuları əmin olmalıdırlar ki, heç bir məcburi köçkünlük baş verməyəcək. Həmçinin, Fələstin Administrasiyasının rəhbərliyi altında müstəqil Fələstin dövlətinin və Qəzza və İordan çayının qərb sahilinin birliyinin yaradılmasının praktiki perspektivi olmalıdır.

Von der Leyen vurğuladı: Bu məqsədə çatmaq üçün İordan çayının qərb sahilində ekstremistlərin qəbuledilməz zorakılığına son qoyulmalıdır.

HƏMAS-ın oktyabrın 7-də sionist rejimə qarşı əməliyyatlarının başlamasından sonra İordan çayının qərb sahilində sionistlərin zorakılığı artıb.

Bundan əvvəl ABŞ prezidenti Co Bayden demişdi ki, Vaşinqton İordan çayının qərb sahilində mülki şəxslərə hücum edən sionist ekstremistlərə viza verilməsini dayandırmağa hazırdır.

Böyük Britaniyanın yeni xarici işlər naziri Devid Kemeron da İsraili sionist mühacirlərin “tamamilə qəbuledilməz” zorakılığını dayandırmağa çağırıb.

O, bildirib ki, sionistlər fələstinli mülki vətəndaşları hədəf alır və bəzən onları öldürürlər. Bu, tamamilə yolverilməzdir və onun icraçıları öz hərəkətlərinə görə cavab verməlidirlər. Onların saxlanılması kifayət deyil. Bu adamlar cinayət məsuliyyətinə cəlb edilməli və həbs olunmalıdır. Onların əməlləri cinayətdir.

Üç milyon fələstinli İordan çayının qərb sahilində yaşayır və yarım milyondan artıq sionist mühacir bu bölgədə məskunlaşıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

4 × four =