Yəmən Ədən körfəzində Britaniya gəmisinə raket zərbəsi endirib

Yəmən silahlı qüvvələrinin sözçüsü Sənanın Vaşinqtonla qarşıdurması və Londonun təcavüzünün davamında bildirib ki, Ədən körfəzində Britaniyaya məxsus neft tankeri raket hücumuna məruz qalıb.

Yəmən silahlı qüvvələrinin sözçüsü briqada generalı Yəhya Səri bu cümə Ədən körfəzində Britaniyanın neft tankerinə raket hücumu edildiyini açıqlayıb.

Raketlərin hədəfi vuraraq yanğına səbəb olduğuna işarə edən Yəhya Səri deyib: İsrail gəmiləri və ya Fələstin limanlarına gedən gəmilərə qarşı əməliyyatlarımız İsrailin hücumları dayanana və qida Qəzzaya daxil olana qədər davam edəcək.

O, həmçinin vurğulayıb ki, Yəmən Fələstin xalqı ilə əməli həmrəyliyini nümayiş etdirmək üçün özünümüdafiə hüququna uyğun olaraq bütün lazımi hərbi tədbirləri görəcək.

Britaniya Dəniz Ticarət Əməliyyatları Təşkilatı bir neçə saat əvvəl Yəmənin cənubunda yerləşən Ədən körfəzinin cənub-qərb sahilindən 60 mil aralıda insident baş verdiyini açıqlayıb.

Bu Britaniya qurumunun məlumatına görə, bu gəmidən 0,5 mil aralıda partlayış baş verib və daha bir partlayış dənizdə baş verib.

Britaniyaya məxsus Embry Maritime Security xəbəri təsdiqləyib və partlayışın Babəl-Məndəb boğazı yaxınlığında baş verdiyini bildirib.

Bu hücumda Hindistana aid olduğu bildirilən gəmiyə iki raket atılıb.

Yəhya Səri cümə axşamı səhər verdiyi açıqlamada bildirib ki, ölkə ordusu Ədən körfəzi və Bab əl-Məndəb boğazında ABŞ-ın bir sıra esmines və döyüş gəmiləri ilə toqquşub.

Yəhya Səri bu açıqlamada bir sıra ballistik raketlərin birbaşa Amerika döyüş gəmisini vurduğunu və iki Amerika ticarət gəmisinin də qaçdığını açıqlayıb.

Yəmən ordusu qarşıdurmanın 2 saat davam etdiyinə diqqət çəkərkən bildirib ki, Qəzzanın işğalı başa çatana və bu bölgənin blokadası götürülənə qədər sionist gəmilərinin işğal olunmuş Fələstinin limanlarına hərəkətinin qarşısını alacaqlar.