Ziyad Ən-Nəxalə: Atəşkəsi qəbul etmək düşmənin meydan döyüşündə məğlubiyyətinin açıq etirafıdır

Fələstin İslami Cihad Hərəkatının baş katibi Fələstin müqaviməti ilə sionist rejim arasında əldə olunan atəşkəsə cavab olaraq deyib: Atəşkəsi qəbul etmək düşmənin meydan döyüşündə məğlubiyyətini açıq şəkildə etiraf etməsidir.

  Fələstin İslami Cihad Hərəkatının baş katibi Ziyad Ən-Nəxalə bu cümə günü Qəzza zolağında atəşkəsin həyata keçirilməsindən sonra elan edib ki, müqavimət düşməni əsirlərin mübadiləsi üçün danışıqları qəbul etməyə məcbur edib və yerdə qalan düşmən əsirləri əsirlərimiz azad olunmadan azad edilməyəcək.

Fələstin İslami Cihad Hərəkatının baş katibi əlavə edib: Atəşkəs Qəzzaya quru işğalından və düşmənin iddialı şüarlarından bir ay sonra başlayıb.

Ziyad Ən-Nəxalə bəyan edib: Müqavimətin düşməni əsirlərin mübadiləsini qəbul etməyə məcbur etməsi və atəşkəs, geniş quru qoşunları və hava hücumlarına baxmayaraq, düşmənin meydanda aldığı məğlubiyyətin açıq etirafıdır.

Fələstin İslami Cihad Hərəkatının baş katibi qeyd edib: Əgər sionist rejimin itkiləri döyüş meydanında olmasaydı, bu rejim atəşkəs və əsirlərin mübadiləsini qəbul etməyə razı olmazdı.

O, bəyan edib ki, biz gələcəkdə düşməni bütün fələstinli məhbusların azad edilməsini ehtiva edən böyük əsir mübadiləsi sazişini qəbul etməyə məcbur edəcəyik.

İslami Cihad Hərəkatının baş katibi davam etdi: Düşmənin məqsədləri hələ də qüvvədədir və bu, müqavimətə son qoymaq və onu əzmək idi, ona görə də düşməni məğlub etmək və düşmənin hədəflərini zərərsizləşdirmək üçün mübarizəmizi davam etdirməliyik.