26 Avropa ölkəsinin Rəfəhə hücumla bağlı Netanyahuya müraciəti
Avropa İttifaqının 26 üzvü Benyamin Netanyahudan Qəzzada atəşkəsin yaradılmasına razılıq verməsini istəyib.
Fars İnformasiya Agentliyinin məlumatına əsasən, Avropa Birliyinə üzv 26 ölkənin xarici işlər nazirləri birgə bəyanat yayaraq, İsrail rejiminin Qəzza zolağının Rəfəh şəhər əhalisinin İsrail ordusu hərbçiləri tərəfindən köçürülmə təhdidlərinə reaksiya veriblər.
Middle East Monitorun bugünkü (8 may) məlumatına görə, AB ölkələrinin xarici işlər nazirləri sionist rejimin baş naziri Benyamin Netanyahudan Rəfah şəhərinə hücum etməməyi xahiş ediblər. Bu baxımdan, Avropa Birliyinin xarici siyasət və təhlükəsizlik məsələləri üzrə ali nümayəndəsi Cozep Borrel də sionist rejimin Rəfəhə qurudan hücumunun dayandırmasının zərurətini vurğulayaraq, həmçinin Avropa İttifaqı və beynəlxalq ictimaiyyətin qarşısının alınması üçün əsas tədbirlər görməyə çağırıb.
Borrell deyib: İsrail Rəfəhə qurudan hücumundan əl çəkməlidir. O, X sosial media hesabında yazıb: İsrailin hərbçilərinin Rəfəhi boşaltmaq əmri onlar üçün ən pis xəbərdir. Çünki onlar müharibə və aclıqla əlbəyaxa olduqları bir böhranda didərginliklə də təhdid olunurlar.
Borrell Avropa Birliyinin xarici siyasətinin rəhbəri kimi bundan əvvəl sionist rejimə Rəfəhə hər hansı hücumu insani fəlakətli nəticələrə gətirib çıxaracağı barədə xəbərdarlıq etmişdi.
