Amerika polisi Yale Universitetində İsrail əleyhinə tələbə etirazlarının keçirildiyi yerə basqın edib

Yerli vaxtla bu gün (bazar ertəsi) səhər saatlarında Amerika polis qüvvələri iğtişaşlara qarşı forma və avadanlıqla Konnektikutdakı “Yale” Universitetinin əsas şəhərciyinə və sionist rejim əleyhinə tələbə nümayişlərinin keçirildiyi yerə basqın edib.

İnternetdə yayımlanan videoda polis qüvvələrinin Yale Universitetinin Ayvi Liqa məktəbinin və 200-ə yaxın etirazçı tələbənin toplaşdığı New Haven şəhərciyinin astanasında olduğu göstərilir. 

Polis iğtişaşçılara xəbərdarlıq edərək, dağılışmağa çağırıb. Bu hadisə ilə bağlı kiminsə həbs edilib-edilmədiyi hələlik bəlli deyil. 

Universitetdə iğtişaşlara qarşı çevik polis qüvvəsinin kütləvi olmasına səbəb bu həftənin əvvəlində baş vermiş hadisədir ki, bu hadisədə bir yəhudi jurnalist etirazçılardan birinin onun gözünə Fələstin bayrağı ilə vurduğunu iddia etmişdi. 

Dünən axşam saatlarında Yale Universitetinin rektoru Peter Savoy tələbələrə e-poçt göndərərək etirazların ümumilikdə dinc olduğunu təsdiqləyib və xəbərdarlıq edib ki, məktəb “davam edən etirazlar fonunda öz siyasətinə uyğun olaraq intizam tədbirləri görəcək.”